File PDF/DOC/DOCX “Khutbah Jumat
Basa Sunda Singkat Terbaru, Jalmi Anu Maot Hate”, tiasa diunduh di akhir
tulisan khutbah ieu. Mangga dicek
اَللَّهُمَّ صَلِّ عَلَى سيدنا مُحَمَّدٍ وَعَلَى آلِهِ وَصَحْبِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ. يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ.
قال الله تعالى:اَعُوْذُ
بِاللهِ مِنَ الشَّيْطَانِ الرَّجِيْمِ: اِنَّكَ لَا تُسۡمِعُ الۡمَوۡتٰى وَلَا
تُسۡمِعُ الصُّمَّ الدُّعَآءَ اِذَا وَلَّوۡا مُدۡبِرِيۡنَ. وَمَاۤ اَنۡتَ بِهٰدِى الۡعُمۡىِ عَنۡ ضَلٰلَتِهِمۡؕ اِنۡ
تُسۡمِعُ اِلَّا مَنۡ يُّؤۡمِنُ بِاٰيٰتِنَا فَهُمۡ مُّسۡلِمُوۡنَ
Hartosna:
"Saestuna anjeun henteu bisa maksa jalma-jalma anu geus paraeh bisa
ngadenge jeung henteu bisa maksa jalma-jalma anu torek ngadenge kana pangajak,
upama maranehna ngabalieur nukangan. Jeung anjeun henteu bisa mere pituduh ka
jalma-jalma anu lolong tina kasasaranana. Taya lian anu ku anjeun bisa sina
ngadenge teh ngan jalma-jalma anu ariman kana ayat-ayat Kami tuluy maranehna
sumerah diri". {QS. An-Namlu, ayat 80-81}.
Hadirin Sidang Jum`ah,
Rahimakumullah!
Ngadasarkeun kana
pedoman agama anu ku urang dianut, ngukur maotna hate jalmi sanes ku ukuran yuswa,
kacerdasan, kapinteran, kakayaan, titel jabatan, kadudukan, sareng pakasaban
atanapi profesina, tapi diukur ku pola pikir, mentalitas, padamelan sareng
hasil padamelana-na dina
ngalaksanakeun ajaran agama Islam. Kumaha sikepna dina mayunan parentah agama sareng larangan
agama.
Maotna hate, tiasa
terap ka saha wae, teu jalmi miskin, teu jalmi bodo, maotna hate tiasa terap oge
ka golongan jalmi beunghar, ka jalmi pinter, ka jalmi anu gaduh titel,
kadudukan sareng pangkat anu luhur, ka jalmi anu pinter usaha atanapi bisnis,
malihan mah, maotna hate tiasa terap ka golongan ahli elmu agama.
Na’udzubillahi min dzaalik.
Jalmi anu maot
hatena, ngarujuk kana ajaran agama Islam, disamikeun sareng jalmi anu maot nyaan,
teu sadar anu terap ka dirina. Hatena teuas, hese narima pedoman-pedoman agama
dinu ngajalani kahirupan-na sadidinten.
Padahal,
pedoman agama Islam atanapi aturan agama Islam tos jelas, anu sifatna parentah kedah
dijalankeun, anu sifatna larangan kedah ditebihan atanapi tong dilakukeun, sok
sanaos anu ngadugikeun ajaran agama eta teh jalmi
alit, dianggapna sanes sasaha
di kampung urang.
Anu kedah
diperhatoskeun ku urang, supados hate urang teu maot, teu teuas, hese nampi aturan agama, maka nyungkeun ka Alloh sangkan hate urang teu maot,
sareng camkeun di diri urang, aturan agama anu
didugikeun wajib ditampi, ti saha wae eta dongkapna, salami sesuai
sareng kajian ilmiah kaagamaan atanapi sesuai sareng al-Quran, Sunah
Nabi, Ijma para Ulama sarang Qiyas .
Hadirin Sidang Jum`ah,
Rahimakumullah!
Pedoman atanapi
aturan agama, bakal gampil ditampi
ku hate anu bersih, sok sanaos status sosial anu ngadugikeun-na, dianggap teu
sepadan menurut penilaian duniawi. Tong
dugikeun hate urang mangkir tinu bebeneran agama anu didugikeun, pedah urang
ngaraos langkung pinter, langkung beunghar, langkung luhur status sosial,
sareng sajabina. Na’udzubillah tsumma na’udzubillaah.
Jalmi anu maot
hatena teu ngarasa hirupna diatur ku aturan Gusti Alloh. Manehna teu peduli
aturan-aturan ti Gusti Alloh, margi tujuan hirupna ngan ukur ngemutan tuang,
leueut, pake sareng ulin, hirup ukur milari senang jeung kapuasan dunya sareng
kapentingan sorangan.
Jalmi anu maot
hatena moal ngaraos kapanggil upami nguping panggero ti Gusti Alloh, teu kabita
ninggal batur berjuang ngawujudkeun lingkungan anu sae anu sesuai aturan Gusti Alloh,
anu tangtos hal eta bakal janten kasaean atanapi manfaat kanggo kapentingan
umum.
Jalmi anu maot
hatena jongjon bubungahan dina urusan dunya.
Manehna ngarasa senang, bungah, bahkan ngarasa bangga hate,
ngahajakeun ngalakukeun larangan Allah, teu sieun bakal nalangsa di
akherat engke.
Jalmi anu maot
hatena, resep pisan mitnah batur, ngadu domba batur, ngahasut warga ngarah
benci atanapi ngajauhan warga sanesna. Jalmi anu maot hatena, ku alabatan iri
dengki dinu hatena, resep pisan
ningali batur sangsara. Eta diantawis ciri-ciri jalmi anu maot hatena. Na’udzubillahi
tsumma na’udzubillah.
Hadirin Sidang Jum`ah,
Rahimakumullah!
Sakitu khutbah singkat ti pribados. Ku ayana kanyaah
Alloh ka urang, inysya Alloh urang sadayana digolongkeun jalmi-jalmi anu hirup
hate, gampil tur bungah nampi bebeneran agama ti saha wae dongkapna, teu
ngahina sareng ngarendahkeun batur, dipaparinan kakiatan iman sareng takwa ka Alloh
Subhanahu wa Ta’ala, malah mandar salamet tur bagja dunya-akherat. Aamiin
yaa Robbal’aalamiin.
بَارَكَ اللهُ لِيْ وَلَكُمْ وَلِجَمِيْعِ
الْمُسْلِمِيْنَ وَالْمُسْلِمَاتِ اِنَّهُ
هُوَ الْغَفُوْرُ الرَّحِيْمُ
KHUTBAH KA II
اَلْحَمْدُ لِلَّهِ الَّذِيْ أَمَرَنَا بِاْلاِعْتِصَامِ
بِحَبْلِ اللهِ، أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ
لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ لاَ نَبِيَّ بَعْدَهُ.
فَيَا أَيُّهَا الْمُسْلِمُوْنَ،
أُوْصِيْكُمْ وَنَفْسِيْ بِتَقْوَى اللهِ. وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ،
أَمَرَكُمْ بِالصَّلَاةِ وَالسَّلَامِ عَلَى نَبِيِّهِ الْكَرِيْمِ
فَقَالَ: إِنَّ اللهَ
وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا
صَلُّوْا عَلَيْهِ وَسَلِّمُوْا تَسْلِيْمًا
اَللَّهُمَّ صَلِّ عَلَى سيدنا مُحَمَّدٍ وَعَلَى آلِ
سيدنا
مُحَمَّدٍ، وَرَضِيَ اللهُ تَعَالَى عَنْ كُلِّ صَحَابَةِ رَسُوْلِ اللهِ
أَجْمَعِيْنَ. --- امين يا
روبال العالمين
اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ
وَالْمُؤْمِنَاتِ اْلأَحْيَاءِ مِنْهُمْ وَاْلأَمْوَاتِ
رَبَّنَا هَبْ لَنَا مِنْ
أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ
إِمَامًا
رَبَّنَا آتِنَا فِي الدُّنْيَا حَسَنَةً وَفِي الآخِرَةِ
حَسَنَةً وَقِنَا عَذَابَ النَّارِ
سُبْحَانَ رَبِّكَ رَبِّ الْعِزَّةِ عَمَّا يَصِفُوْنَ،
وَسَلاَمٌ عَلَى الْمُرْسَلِيْنَ وَالْحَمْدُ لِلَّهِ رَبِّ الْعَالَمِيْنَ
عِبَادَاللهِ إِنَّ
اللهَ يَأْمُرُنَا بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ
وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ
تَذَكَّرُوْنَ وَاذْكُرُوااللهَ اْلعَظِيْمَ يَذْكُرْكُمْ وَاشْكُرُوْهُ عَلىَ
نِعَمِهِ يَزِدْكُمْ وَلَذِكْرُ اللهِ أَكْبَر - استغفر الله العظيم لي ولكم
Link
Unduhan File “Khutbah Jumat Basa Sunda Singkat Terbaru, Jalmi Anu Maot Hate”: